تعرفي علي أهم الفيتامينات المسئولة عن صحة شعرك

Samar Taher

6:08 ص

0 تعليقات

شاركه غرد جوجل+

أهم مصدر للحصول علي ‫شعر‬ صحي هو الجسم نفسه ... لازم نبقي فاهمين كويس ان الشعر زي النبات بيحتاج غذاء داخلي و ده بيوصله عن طريق الدم من خلال العناصر الغذائية الموجودة داخل الجسم ده طبعا غير العناية بالشعر من الخارج لان احيانا التغذية مش بتوصل لاطراف الشعر خاصة لو طويل علشان كده لازم نهتم بيه اكتر 

من أهم العناصر اللي بتأثر علي ‫صحة الشعر‬ هي نقص ‫‏الفيتامينات‬ و كل فيتامين بيكون له تأثير علي شكل الشعر .. تعالوا نتعرف سوا علي أهم الفيتامينات المسئولة عن صحة شعرك :

1- فيتامين سي C : 

وهو المسئول عن تقوية الشعر و مساعدته علي النمو لانه بيساعد الجسم علي انتاج الكولاجين ومضادات الاكسدة المسئولة عن حيوية البشرة و الشعر و الجلد .. لو تلاحظوا الاجانب لازم كل يوم الصبح يشربوا عصير برتقال فريش :) ناس عارفه مصلحتها ... وفيتامين سي موجود في البروكلي و و الكيوي و الفراولة و كمان موجود في الصيدلية علي هيئة حبوب بس الطبيعي يكسب

وهو المسئول عن تقوية الشعر و مساعدته علي النمو لانه بيساعد الجسم علي انتاج الكولاجين ومضادات الاكسدة المسئولة عن حيوية البشرة و الشعر و الجلد .. لو تلاحظوا الاجانب لازم كل يوم الصبح يشربوا عصير برتقال فريش :) ناس عارفه مصلحتها ... وفيتامين سي موجود في البروكلي و و الكيوي و الفراولة و كمان موجود في الصيدلية علي هيئة حبوب بس الطبيعي يكسب

2- مجموعة فيتامين ب B :

الفيتامين ده مهم جدا للجسم و مسئول عن حاجات كتير زي العضلات و الطاقة و التمثيل الغذائي و الجلد و الشعر ، بس مشكلته ان بيذوب في الماء يعني لازم نمد الجسم بيه يوميا و من اعراض نقصه ان الشعر مش بيطول ... و من اهم مصادره هي اللحوم و البيض و المكسرات و الحبوب و الخضروات و لو نظامك الغذائي فيه الحاجات دي بس برده فيه نقص ممكن ناخد مكملات غذائية فيها فيتامين ب12 من الصيدلية

3- البيوتين Biotin :

لو عاوزة شعر طويل و صحي يبقي ده اهم فيتامين لانه بيساعد علي انتاج الجلوكوز و كمان بيحطم البروتينات و بيحولها الي احماض امينية (مكون هام للشعر) و ده بيحافظ علي الكيراتين الطبيعي داخل الشعره ، نفس مشكلة فيتامين ب هي انه بيذوب في الماء يعني الجسم بيفقده يوميا علشان كده لازم يكون اساسي في غذائنا و ممكن ناخده في صورة مكمل غذائي من الصيدليه و من اهم مصادره المشروم ، و الأفوكادو ، البيض ، سمك السلمون ، زبدة الفول السوداني

4- فيتامين هـ E :

الفيتامين ده معروف انه مضاد للاكسدة وبيساعد علي اصلاح و بناء الانسجة و ده ضروري لشعر و فروة راس صحية ، و طبعا موجود في اطعمة زي اللوز و البذور، و الأفوكادو ، و القرنبيط ... و ايضا يمكن استخدامه خارجيا علي فروة الرأس عن طريق تدليك فروة الرأس بزيت الموجود في الكبسولة مرتين على الأقل في الأسبوع لتعزيز نمو الشعر و ده يساعد على تقليل الالتهاب ، ويزيد الدورة الدموية ، ويعزز إمدادات الأوكسجين ، وإصلاح تلف بصيلات الشعر

5- الحديد :

بالرغم من انه معدن مش فيتامين بس مهم جدا للجسم لكي يعمل بشكل صحيح و كمان بدونه الشعر بيبقي ضعيف و رفيع و جاف و هايش ، و علشان تعرفي عندك نقص حديد ام لا لازم تعملي تحليل دم و من الاطعمة الغنية بالحديد هي السبانخ و اللحوم الحمراء و المحار و العسل الاسود و التمر

6 - المغانسيوم : 

هو معدن اخر مهم جدا للجسم و مهم جدا لفروة الرأس لنمو شعر صحي و قوي ونقص المغنيسيوم يؤدي إلى النوبات القلبية و داء السكري من النوع 2 ، والإمساك ، والقلق ، والاكتئاب ، و التعب المزمن و من اهم مصادره سمك السلمون والمكسرات ، والبذور

7- البروتين :

بالرغم من انه مش فيتامين لكن مهم جدا للشعر لانه مكون اساسي للشعر لو الجسم ماخدش الكمية المناسبة من البروتين الشعر هيصبح جاف و ضعيف و هش ، البروتين يساعد على نمو الشعر قوي ويساعد ايضا على السرعة التي ينمو . إذا كنت قد لاحظت تباطؤ النمو ، أولا التحقق من كمية البروتين الخاص بك و من اهم مصادره اللحوم و البيض ، السبانخ ، والقرنبيط